काठमाडौं– सामुदायिक रेडियोहरूको राष्ट्रिय सम्मेलन तथा सामुदायिक रेडियो प्रसारक संघको १७औं वार्षिक साधारण सभा बुधबार ललितपुरमा सुरु भएको छ।
सामुदायिक रेडियो प्रसारक संघ (अकोराब नेपाल)को आयोजनामा सुरु भएको कार्यक्रमको पहिलो दिन बुधबार ‘पारदर्शी र सबल स्थानीय सरकारका लागि सामुदायिक साझेदारी’ विषयमा छलफल भएको छ।
त्यस्तै, ‘परम्परागत हानिकारक अभ्यास, अपाङ्गता भएका व्यक्तिहरूका सवाल र लैङ्गिक समावेशीकरण’ र ‘बदलिँदो सूचना प्रविधिमा सामुदायिक रेडियोको दिगोपना’ विषयमा अन्तरसंवाद गरिएको छ।
छलफलमा देशभरका सामुदायिक रेडियोका प्रतिनिधि, सरोकारवाला निकायका प्रतिनिधि र विषयगत मन्त्रालयका अधिकारी सहभागी रहेको अकोराबका अध्यक्ष अर्जुन गिरीले जानकारी दिए।
साधारण सभाको बन्द सत्रमा बुधबार नै सामुदायिक रेडियो प्रसारक संघका महासचिव किशोरजङ्ग थापाले संगठनात्मक, कोषाध्यक्ष सरोज पौडेलले आर्थिक र लेखा समितिका संयोजक डा भूमि चापागाईँले लेखा समितिको प्रतिवेदन पेस गरेका छन्।
यसैबिच, संघीय मामिला तथा सामान्य प्रशासन मन्त्री अमनलाल मोदीले सामुदायिक रेडियोसँग सहकार्य गर्न ७ सय ५३ वटै स्थानीय तहलाई आग्रह गरे।
सामुदायिक रेडियो राष्ट्रिय सम्मेलन तथा १७औं साधारण सभामा शुभकामना दिँदै मन्त्री मोदीले नागरिकलाई सूचना र आफ्ना गतिविधिका बारेमा जानकारी दिन सामुदायिक रेडियो सबैभन्दा प्रभावकारी माध्यम भएकाले स्थानीय तहले सहकार्य गर्नुपर्ने बताएका हुन्।
सामुदायिक रेडियोको दिगोपनाका लागि पनि स्थानीय तहले सहयोग गर्नुपर्ने सामुदायिक रेडियोलाई पालिकाले साझेदारको रुपमा सम्बोधन गर्नुपर्नेमा उनको जोड थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![मृत हनुमान घाटमा जीवन फर्काउने प्रयास, २९ करोडमा बन्दै छ प्रशोधन केन्द्र [भिडियाे]](https://nepallive.net/uploads/posts/500X300/gggggg1685630288.JPG)
![कर फर्स्योट मुद्दामा चूडामणि शर्मासहित तीन जना दोषी ठहर, अकुत सम्पत्तिमा सफाइ [भिडियाे]](https://nepallive.net/uploads/posts/500X300/Chudamani_Sharma_bhrastachar_Case1684834586.jpg)
![बीपी कोइराला स्वास्थ्य विज्ञान प्रतिष्ठानका पूर्व उपकुलपति दाससहित तीन जना भ्रष्टाचार मुद्दामा दोषी ठहर [भिडियाे]](https://nepallive.net/uploads/posts/500X300/purba uapakul pathi bhatrachar mudda thumbs 1685629365.jpg)
![नेपाल र भारतबीच ७ विषयमा समझदारी [भिडियाे]](https://nepallive.net/uploads/posts/500X300/modi and prachanda thumbs 1685628744.jpg)
1685176339.jpg)
